Powerade – bikarinn í kvöld

Þrír leikir fara fram í Powerade – bikarkeppni karla í körfuknattleik í kvöld. Allir leikirnir hefjast kl. 19:15 en keppnin skipti nýverið um nafn þar sem samstarfi KKÍ og Hópbíla lauk og Vífilfell tók upp þráðinn.

Njarðvíkingar mæta ÍR í Ljónagryfjunni en Njarðvíkingar slóu út nýliða Hattar frá Egilsstöðum. ÍR sló út 1. deildarlið Tindastóls.

Aðrir leikir eru:
KR - Snæfell
Skallagrímur – Fjölnir

Fyrri viðureign Keflavíkur og Grindavíkur í Powerade – bikarnum var seinkað fram á sunnudag, þegar hin liðin leika seinni leiki sína, vegna leiks Keflavíkur í Evrópukeppninni í gærkvöldi. Grindavík og Keflavík leika svo seinni viðureign sína þriðjudaginn 8. nóvember.