Paul McShane til Keflavíkur frá Fram sem fær Jón Gunnar

Knattspyrnumaðurinn Paul McShane hefur gengið til liðs við Pepsi deildarlið Keflavíkur. Þá hefur austfirðingurinn Jón Gunnar Eysteinsson sem lék með Keflavík verið seldur til Fram.

Paul McShane á langan knattspyrnuferil á Íslandi og kom upphaflega til Grindavíkur og gerði þar garðinn frægan, var m.a. kosinn Íþróttamaður Grindavíkur 2005. Þá þótti kappinn leika frábærlega á Íslandsmótinu í fyrra. Hann á að baki nálægt 200 leikjum í efstu deild á Íslandi og hefur skorað á þriðja tug marka.

Keflvíkingar telja sig vera að styrkja sig verulega á miðjunni og skipta út Jóni Gunnari sem náði sér aldrei á strik í sumar.

Jón Gunnar í baráttunni með Keflavík gegn Fram í sumar. Að ofan má sjá Paul McShane í sama leik við hlið Simuns Samuelssonar.