Ótrúleg endurkoma Keflvíkinga

Keflvíkingar nældu sér í jafntefli eftir magnaða endurkomu gegn ÍBV í fótbolta.net mótinu í Reykjaneshöll í dag. Lokatölur 4-4 ,en Keflvíkingar voru 1-4 undir þegar aðeins sjö mínútur voru eftir af venjulegum leiktíma. Staðan var þegar orðin 1-4 í hálfleik fyrir gestina, en það var Hólmar Örn Rúnarsson sem skoraði mark Keflvíkinga úr vítaspyrnu.

Þegar svo 83 mínútur voru liðnar af leiknum skoraði Sigurbergur Elisson fyrir Keflvíkinga og minnkaði muninn í 2-4. Aftur var Sigurbergur á ferðinni þegar venjulegur leiktími var liðinn, staðan 3-4. Í blálokin brutu Eyjamenn svo á Bojan Ljubicic í vítateignum og Magnús Þórir Matthíasson jafnaði metin úr vítaspyrnunni. Keflvíkingar eru með eitt stig eftir tvo leiki í mótinu.

 

Að vera að tapa 4-1 á 83' mín og koma til baka og jafna 4-4 er virkilega gott!! #fotboltinet #keflavik

— Elías Már Ómarsson (@eliasmar) January 17, 2015