Öruggur Keflavíkursigur í Njarðvík
Keflvíkingar unnu góðan sigur á nágrönnum sínum, Íslandsmeisturum Njarðvíkur í viðureign liðanna í efstu deild körfuboltans í kvöld. Lokatölur urðu 65-89 fyrir KeflavíkKeflavík náði forystu strax í byrjun og hélt henni til loka leiks. Keflvíkingum hefur yfirleitt ekki gengið vel í Ljónagryfjunni í Njarðvík en nú voru það þeir sem voru ljóngrimmir og létu forystuna aldrei af hendi. Í leikhlé munaði átta stigum á liðunum en strax í upphafi þriðja leikhluta var munurinn orðinn 20 stig en heimamenn náðu þá góðum leikkafla og minnkuðu muninn í minnst sjö stig. Keflvíkingar sigu framúr á lokakaflanum og í lokin var munurinn mestur á liðunum í öllum leiknum, tuttugu og fjögur stig.
„Það er ekki hægt að afsaka neitt. Keflvíkingar mættu bara miklu ákveðnari og betri og rústuðu okkur á öllum sviðum. Þeir áttu sigurinn skilið en mótið er bara rétt að byrja og við byrjuðum illa í fyrra. Það er ekki tímarbært að fagna mikið fyrr en í vor“, sagði Teitur Örlygsson, Njarðvíkingur eftir leikinn. Meðal bestu leikmanna Keflavíkur var Gunnar Stefánsson en hann var aldrei í byrjunarliði Keflavíkur í fyrra. Nú kom hann sterkur inn eins og reyndar flestir ungu strákarnir í Keflavíkurliðinu og skoraði grimmt. „Það er að skila sér vinna sumarsins og síðastliðin ár. Við erum margir sem erum að stíga okkar fyrstu skref í deildinni. Maður er auðvitað ánægður að fá tækifæri og vill nýta það til fullnustu. Við leggjum mikið á okkur fyrir liðið og ætlum að standa okkur. Við vorum tilbúnari í þessum leik en Njarðvíkingarnir og alltaf ótrúlega sætt að sigra í Ljónagryfjunni“, sagði Gunnar og bætti því að byrjunin lofaði góðu þrátt fyrir tap í Hveragerði. „Það er búinn að vera stígandi í liðinu í síðustu þremur leikjum og við toppuðum í kvöld“.
Það var skemmtilegt að sjá til ungu strákanna í Keflavík. Gunnar, Davíð Jónsson, Magnús Gunnarsson, Jón Norðdal Hafsteinsson eru mjög ungir en virðast nú vera tilbúnir í erfiða deild. Síðan komu inná tveir enn yngri, þeir Halldór hávaxni Halldórsson og Ragnar Skúlason og ljóst að framtíðin er björt hjá Keflavík. Þeir eldri voru traustir, Guðjón Skúlason og Gunnar Einarsson að ógleymdum Damon Johnson sem er gríðarlega sterkur.
Njarðvíkingar náðu ekki að undirbúa sig sem skyldi fyrir þennan leik vegna veikina hjá nokkrum leikmönnum síðustu daga, þar með taldir Logi Gunnarsson og Brenton Birmingham. Halldór Karlsson var þeirra besti maður en annars var skrýtið að sjá Njarðvíkinga svona dapra. Þeir reyndu inn á milli en héldu ekki út gegn frískum Keflvíkingum.
„Það er ekki hægt að afsaka neitt. Keflvíkingar mættu bara miklu ákveðnari og betri og rústuðu okkur á öllum sviðum. Þeir áttu sigurinn skilið en mótið er bara rétt að byrja og við byrjuðum illa í fyrra. Það er ekki tímarbært að fagna mikið fyrr en í vor“, sagði Teitur Örlygsson, Njarðvíkingur eftir leikinn. Meðal bestu leikmanna Keflavíkur var Gunnar Stefánsson en hann var aldrei í byrjunarliði Keflavíkur í fyrra. Nú kom hann sterkur inn eins og reyndar flestir ungu strákarnir í Keflavíkurliðinu og skoraði grimmt. „Það er að skila sér vinna sumarsins og síðastliðin ár. Við erum margir sem erum að stíga okkar fyrstu skref í deildinni. Maður er auðvitað ánægður að fá tækifæri og vill nýta það til fullnustu. Við leggjum mikið á okkur fyrir liðið og ætlum að standa okkur. Við vorum tilbúnari í þessum leik en Njarðvíkingarnir og alltaf ótrúlega sætt að sigra í Ljónagryfjunni“, sagði Gunnar og bætti því að byrjunin lofaði góðu þrátt fyrir tap í Hveragerði. „Það er búinn að vera stígandi í liðinu í síðustu þremur leikjum og við toppuðum í kvöld“.
Það var skemmtilegt að sjá til ungu strákanna í Keflavík. Gunnar, Davíð Jónsson, Magnús Gunnarsson, Jón Norðdal Hafsteinsson eru mjög ungir en virðast nú vera tilbúnir í erfiða deild. Síðan komu inná tveir enn yngri, þeir Halldór hávaxni Halldórsson og Ragnar Skúlason og ljóst að framtíðin er björt hjá Keflavík. Þeir eldri voru traustir, Guðjón Skúlason og Gunnar Einarsson að ógleymdum Damon Johnson sem er gríðarlega sterkur.
Njarðvíkingar náðu ekki að undirbúa sig sem skyldi fyrir þennan leik vegna veikina hjá nokkrum leikmönnum síðustu daga, þar með taldir Logi Gunnarsson og Brenton Birmingham. Halldór Karlsson var þeirra besti maður en annars var skrýtið að sjá Njarðvíkinga svona dapra. Þeir reyndu inn á milli en héldu ekki út gegn frískum Keflvíkingum.
