Örn Ævar byrjar í úrtökumótinu á morgun

Örn Ævar Hjartarson úr GS mun taka þátt í fyrsta stigi úrtökumótsins fyrir Evrópumótaröðina í Oxford á Englandi og mun hefja leik á morgun. Hann tók einnig þátt í úrtökumótinu á þessum sama velli í fyrra, en komst þá ekki áfram. Fimm íslenskir kylfingar  tóku þátt í úrtökumóti í Þýskalandi í síðustu viku og höfðu ekki erindi sem erfiði. 

Sigmundur Einar Másson úr GKG byrjar einnig á morgun að leika á úrtökumóti, Pre-Qualification, fyrir bandarísku PGA mótaröðina á Jennings Mills vellinum í Athens í Georgíu.

Mynd/Kylfingur.is: Örn Ævar mun reyna fyrir sér öðru sinni á úrtökumótinu fyrir Evrópumótaröðina.