Önnur umferðin hefst í dag: Grindavík mætir Val í Laugardal

Grindvíkingar mæta Íslandsmeisturum Vals í kvöld kl. 19:15 á Laugardalsvelli þegar önnur umferð í Landsbankadeild karla í knattspyrnu fer af stað. Bæði Grindavík og Valur máttu sætta sig við ósigur í fyrstu leikjum Íslandsmótsins svo það verður stál í stál á þjóðarleikvanginum í kvöld.

 

Grindvíkingar stóðu lengi vel í stjörnumprýddu liði KR í fyrstu umferðinni og máttu að lokum sætta sig við 3-1 ósigur. Scott Ramsay átti glæsilegustu tilþrif fyrstu umferðar þegar hann jafnaði leikinn fyrir Grindavík gegn KR í 1-1 með þrumuskoti í teignum.

 

Valsmenn fengu vandræðalega rassskellingu í Keflavík þegar þeir lágu 5-3 og er þetta versta byrjun ríkjandi meistara í 39 ár í efstu deild karla á Íslandi. Þeir eru mikið fyrir það að Hlíðarenda að skrifa söguna en leikurinn gegn Keflavík er líkast til kafli í ágætri bók Valsmanna sem þeir vilja strika yfir fyrir prentun.

 

 

Annarri umferð deildarinnar lýkur svo annað kvöld með eftirfarandi leikjum:

 

19:15 Fjölnir-KR

19:15 Breiðablik-Þróttur R.

19:15 Fram-HK

20:00 FH-ÍA ( í beinni á Stöð 2 Sport)

 

VF-Mynd/ [email protected]– Djúpur á miðjunni! Eysteinn Húni Hauksson í leiknum gegn KR í fyrstu umferðinni.