Óli Gott hættur með Torquay

Ólafur Gottskálksson, fyrrum markvörður Keflavíkur í knattspyrnu, er hættur að leika með enska liðinu Torquay.

Ólafur, sem hefur leikið með liðinu síðan í haust, hefur ekki mætt á æfingar hjá liðinu síðan á fimmtudag og hefur, samkvæmt Fréttablaðinu, ekki hug á að leika áfram með liðinu.

Forráðamenn Torquay sendu frá sér fréttatilkynningu um helgina þar sem sagt var að ekki næðist í Ólaf og þeir væru þegar farnir að leita eftirmanns hans.