Nýr svartbeltingur til Keflavíkur

Helgi Rafn Guðmundsson úr Keflavík tók 1. dan próf laugardaginn 17. september og stóð sig með prýði. Dómarar voru; Master Sigursteinn Snorrason, Master Snorri Hjaltason heiðursforseti TKÍ ásamt öðrum svartbeltingum Dojang Dreka.

Helgi tók mjög gott próf og þótti svara spurningum með eindæmum vel og af miklum þroska. Helgi er mikil fyrirmynd fyrir krakkana sem æfa í Keflavík og reyndar fyrir mun fleiri. Hann hefur staðið sig með prýði í mótum hér og erlendis og ætlar sér stóra hluti, segir í tilkynningu frá Taekwondo-deild Keflavíkur.