Nýliðaslagur í Grindavík og Keflavík mætir HK

Þriðja umferðin í Landsbankadeild karla í knattspyrnu hefst í dag með fjórum leikjum. Grindvíkingar taka á móti Fjölni á Grindavíkurvelli og Keflavík heimsækir HK á Kópavogsvöll. Leikur HK og Keflavíkur hefst kl. 19:15 en leikur Grindavíkur og Fjölnis hefst kl. 20:00 og verður í beinni útsendingu á Stöð 2 Sport.

 

Grindvíkingar eru enn á stiga eftir 3-1 tap gegn KR í fyrstu umferð og 3-0 ósigur gegn Íslandsmeisturum Vals í annarri umferð. Gulir leika nú sinn fyrsta heimaleik og það gegn sjóðheitum Fjölnismönnum og hitta þar fyrir fyrrum liðsfélaga sinn og fyrirliða, Óla Stefán Flóventsson. Fjölnir hefur fullt hús stiga eftir tvo sigra í upphafi mótsins.

 

Keflvíkingar hafa einnig fullt hús stiga eftir 5-3 sigur á Íslandsmeisturum Vals í fyrstu umferð og svo lögðu þeir Fylki 2-1 í annarri umferð. Keflvíkingar mæta HK í kvöld og verður það fyrsti útileikur Keflavíkur á leiktíðinni. HK hefur tapað fyrstu tveimur leikjum sínum í deildinni og þeim hefur ekki enn tekist að skora mark í deildinni.

 

VF-Mynd/ [email protected]– Andri Steinn í baráttunni gegn Val í annarri umferð.