Njarðvíkingar unnu leik

Njarðvík sigraði Víking Reykjavík á Njarðtaksvelli í gær. Nýliðinn frá Grindavík, Marko Valdimar Stefánsson skoraði á 73 mín.
Marko kom inn á 54 mínútu, fékk áminningu á 67 mín og skoraði loks mark á 73 mínútu, þetta var annar leikur Markós með Njarðvík. Hinn leikurinn var á móti Fjarðabyggð og þá náði Markó einnig að skora eitt mark í jafnteflisleik.

Staðan í deildinni er þannig að Vestmannaeyingar eru á leið í Landsbankadeildina að ári, Selfoss og Stjarnan berjast hatrammri baráttu um annað sætið og liðið sem gæti blandað sér í þann pakka eru Haukarnir.

Á botninum eru Norðanmennirnir í KS/Leiftri, í næst neðsta sæti eru Njarðvíkingar sem eru nú væntanlega að komast á gott skrið.
Staðan í deildinni:
1.     ÍBV                 37 stig
2     Selfoss           34 stig
3     Stjarnan          30 stig
4     Haukar           24 stig
5     KA                   19 stig
6     Fjarðabyggð   19 stig
7     Víkingur R.     18 stig
8     Víkingur Ó.     18 stig
9     Þór                 16 stig
10     Leiknir R.    12 stig
11     Njarðvík      11 stig
12     KS/Leiftur      9 stig

Næsti leikur Njarðvíkinga er þriðjudaginn12.ágúst kl. 19:15, við KA fyrir norðan.