Njarðvíkingar sóttu sigur fyrir austan

Njarðvíkingar sóttu sterk þrjú stig til Egilsstaða þegar fyrsta umferð í 2. deildinni í knattspyrnu fór fram um helgina. Lokatölur urðu 0-1 í miklum baráttuleik gegn heimamönnum í Hetti. Mark Njarðvíkinga var slysalegt sjálfsmark sem kom í uppbótartíma.

Njarðvíkingar hófu mótið í fyrra með sama hætti með sigri gegn Hetti á útivelli. Næsti leikur Njarðvíkinga er svo á heimavelli gegn ÍR næsta föstudag.