Njarðvíkingar leika í 1. deild

Eftir stórt tap gegn grönnum sínum frá Keflavík er ljóst að Njarðvíkurkonur leika í 1. deildinni í körfubolta á næstu leiktíð. Njarðvíkingar þurftu nauðsynlega á sigri að halda gegn Keflvíkingum þegar liðin mættust í Njarðvík í kvöld. Leikurinn byrjaði vel fyrir heimaliðið í fyrsta fjórðung en svo tóku Keflvíkingar öll völd á vellinum. Í hálfleik leiddu Keflvíkingar 34-46. Þær gerðu svo út um leikinn fljótlega í þriðja leikhluta og að honum loknum var munurinn 22 stig. Eftir það var eftirleikurinn auðveldur og lokaniðurstaðan stórsigur Keflvíkinga 58-84.

Njarðvík-Keflavík 58-84

Njarðvík: Nikitta Gartrell 24/6 fráköst, Salbjörg Sævarsdóttir 11/7 fráköst, Andrea Björt Ólafsdóttir 6, Emelía Ósk Grétarsdóttir 4, Heiða B. Valdimarsdóttir 4, Aníta Carter Kristmundsdóttir 3, Erna Hákonardóttir 2, Guðbjörg Ósk Einarsdóttir 2, Guðlaug Björt Júlíusdóttir 2, Elísabet Sigríður Guðnadóttir 0, Ína María Einarsdóttir 0, Sara Dögg Margeirsdóttir 0.

Keflavík: Bryndís Guðmundsdóttir 20, Diamber Johnson 18/9 fráköst/5 stoðsendingar, Sara Rún Hinriksdóttir 17/4 fráköst, Birna Ingibjörg Valgarðsdóttir 9/7 fráköst, Sandra Lind Þrastardóttir 8, Aníta Eva Viðarsdóttir 5, Bríet Sif Hinriksdóttir 5, Telma Lind Ásgeirsdóttir 2/5 fráköst, Thelma Dís Ágústsdóttir 0, Lovísa Falsdóttir 0, Kristrún Björgvinsdóttir 0, Katrín Fríða Jóhannsdóttir 0.