Njarðvíkingar komnir áfram í Mjólkurbikarnum
Njarðvíkingar tóku á móti KH í fyrstu umferð Mjólkurbikars karla í gær, sumardaginn fyrsta. Það má segja að sumarið byrji vel hjá Njarðvíkingum en þeir fóru með 3:0 sigur af hólmi.
Öll þrjú mörkin voru skoruð á fyrsta korterinu, það var Bergþór Ingi Smárason sem opnaði markareikninginn með marki á 9. mínútu. Fyrirliðinn Marc McAusland tvöfaldaði forystuna á 15. mínútu og KH menn ráku síðasta naglann í eigin kistu með sjálfsmarki mínútu síðar.
Það kemur svo í ljós á morgun hvaða liði Njarðvík leigur gegn í annarri umferð. Þá mætast Álafoss og GG (Grindavík) og sigurvegari þeirrar viðureignar mætir Njarðvík.
