Njarðvík vann dönsku meistarana í æfingaleik

UMFN tefldi fram unglingaliði í sigurleik gegn dönsku meisturunum Bakken Bears í gærkvöldi. Lid Bakken Bears var einnig skipað ungum leikmönnum félagsins.

Heimamenn byrjuðu betur, en í öðrum leikhluta komust Njarðvíkingar yfir og leiddu, 40-37 í hálfleik. í seinni hálfleik lágu Danir í því og Njarðvíkingar tóku stjórnina í leiknum. Forystan varð mest 16 stig í fjórða leikhluta, en lokastaðan var 94-82.

Stigaskor UMFN: Jóhann Ólafsson 24, Kristján Sigurðsson 18, Sveinbjörn Skúlason 12, Helgi Már Gudbjartsson 11, Ólafur Aron Ingvason 9, Hjörtur Hrafn Einarsson 8, Rúnar Ingi Erlingsson 5, Daníel Gudmundsson 3 og Egill Jónasson og Elías Kristjánsson gerðu 2 stig hvor.

Í kvöld hefst keppni í Bakken Bears Knock out keppninni og leika Njarðvíkingar gegn Åbyhøj frá Danmörku.