Njarðvík tapar heima

Njarðvík tapaði gegn Fjarðarbyggð, 0-2, í annari umferð 2. deildar karla í knattspyrnu í gær.

Leikurinn fór fram á Njarðvíkurvelli í hífandi roki og voru heimamenn sterkari framan af.

Eftir að hafa misnotað nokkur færi og skotið í slá komust gestirnir yfir með langskoti á 18. mínútu sem Friðrik Árnason náði ekki að verja. Þannig stóðu leikar 0-1 í hálfleik þrátt fyrir ágætis leik Njarðvíkinga.

Fjarðarbyggð skoruðu úr skyndisókn strax í upphafi seinni hálfleiks og breyttu stöðunni í 0-2 en þrátt fyrir linnulausa sókn Njarvíkinga var vörn gestanna föst fyrir og stóðst áhlaupið.


Þá hóf GG leiktíðina í 3. deild með tveimur sigrum um helgina. Þeir lögðu BÍ 0-1 og Bolungarvík 2-5.