Njarðvík tapaði gegn ákveðnum Fjölnismönnum

Ungt lið Fjölnis sýndi hvað í þeim býr í Ljónagryfjunni í kvöld með sannfærandi sigri á heldur daufu liði Njarðvíkinga. Lokatölur leiksins voru 70-77 en staðan eftir fyrsta leikhluta var 14-25 og virtust Fjölnismenn mun hungraðri í sigur en þeir grænu.

Stigahæstur Njarðvíkinga var Magnús Gunnarsson með 17 stig en hjá Fjölni var Ingvaldur Magni Hafsteinsson stigahæstur með 20 stig. Þess má geta að Fjölnismenn léku án leikstjórnanda síns, Ægis Þórs Steinssonar.


Ljósmyndasafn úr leiknum má nálgast hér.


VF-myndir/ Páll Orri Pálsson