Njarðvík sigrar á Selfossi

Njarðvíkingar hafa ekki lagt árar í bát við að komast upp úr 2. deild karla í knattspyrnu og unnu í kvöld góðan útisigur á Selfossi og komust þar með upp í 3. sæti deildarinnar.

Öll mörk leiksins komu í fyrri hálfleik, en Aron Már Smárason og Guðni Erlendsson skoruðu fyrstu tvö mörk gestanna. Michael jónsson bætti því þriðja við áður en Selfyssingar minnkuðu muninn úr vítaspyrnu, en Njarðvíkingar þóttu sýna mikinn hug og baráttu í þessum leik, enda mikið í húfi.