Njarðvík og Keflavík mætast í Bikarkeppni KKÍ

Bikarmeistarar Keflavíkur lentu á móti grönnum sínum frá Njarðvík þegar dregið var til 8-liða úrslita í bikarkeppni KKÍ og Lýsingar í dag. Í kvennaflokki fengu Keflvíkingar einnig sterka mótherja þar sem lið ÍS kom uppúr pottinum sem mótherji bikarmeistaranna.

Þá er ljóst að lið úr 1. deild mun leika í 4-liða úrslitum karla og lið úr 2. deild í 4-liða úrslitum kvenna.

Svona var drátturinn:

8-liða úrslit konur
Breiðablik - Grindavík
Keflavík - ÍS
Laugdælir - Tindastóll
Haukar - Njarðvík

8-liða úrslit karlar
Fjölnir - Skallagrímur
Hamar/Selfoss - Grindavík
Keflavík - Njarðvík
Höttur - Breiðablik

Leikirnir fara fram helgina 8.-9. janúar.