Njarðvík náði aðeins jafntefli á Dalvík

Njarðvíkingar léku í 2. deild karla á Dalvíkurvelli í gær gegn Dalvík/Reyni sem situr í fallsæti ásamt Völsungi. Fyrir leik var búist við sigri Njarðvíkur en ekkert er öruggt í fótboltanum.

Bæði mörkin skoruð í fyrri hálfleik

Það var Dalvík/Reynir sem byrjaði betur og komst yfir á 11. mínútu leiksins. Kári Daníel Alexandersson jafnaði fyrir Njarðvík skömmu fyrir leikhlé og þar við sat. Svekkjandi jafntefli niðurstaðan.

Njarðvík er eitt þeirra liða sem hafa sett stefnuna á sæti í Lengjudeildinni að ári. Fyrir leikinn voru Njarðvíkingar í þriðja sæti, tveimur stigum á eftir Haukum, en með jafntefli misstu þeir Fjarðabyggð upp fyrir sig og eru nú fjórum stigum á eftir Haukum sem verma efsta sæti um sinn. Kórdrengir geta endurheimt toppsæti deildarinnar í kvöld en þá mæta þeir Þrótti Vogum á Framvellinum.