Njarðvík b úr leik í Maltbikarnum
- töpuðu naumlega gegn Haukum
Njarðvík b mætti Haukum í 16 liða úrslitum Maltbikarsins í körfu í gærkvöldi og urðu lokatölur leiksins 68-84 fyrir Haukum. Þar með eru Haukar komnir í átta liða úrslit.
Gamlar og reyndar kempur spila með Njarðvík b, þar á meðal Páll Axel Vilbergsson, Magnús Gunnarsson og Sævar Garðarsson.
Varaformaður deildarinnar Páll Kristinsson var með 20 stig og 10 fráköst í leiknum, Magnús Þór Gunnarsson var með 23 stig og Hjörtur Hrafn Einarsson var með 11 stig.
Myndir frá karfan.is.
