Njarðvík á góðu skriði í Lengjubikarnum
Liðið taplaust á toppi riðilsins
Njarðvíkingar eru taplausir B deild Lengjubikarsins eftir góðan 2-1 sigur á liði Ægis í Reykjaneshöllinni í gærkvöldi.
Theodór Guðni Halldórsson kom Njarðvíkingum yfir á 4. mínútu með marki úr vítaspyrnu en Þorkell Þráinsson jafnaði metin fyrir Ægi á 19. mínútu. Það var svo Theodór Guðni sem skoraði annað mark sitt í leiknum á 24 mínútu og reyndist það sigurmark leiksins.
Þar með eru Njarðvíkingar ósigraðir í riðlinum og tróna á toppi riðilsins með 10 stig, 3 sigra og 1 jafntefli.
Liðið mætir Álftanesi laugardaginn 18. apríl á Samsung vellinum á Álftanesi.
