Nína Ósk í lið 1.-7. umferðar

Nína Ósk Kristinsdóttir, framherji kvennaliðs Keflavíkur í knattspyrnu var í dag valin í hóp bestu leikmanna fyrstu 7 umferða Íslandsmótsins.

Valið var á vegum KSÍ en besti leikmaðurinn að þessu sinni var valin Ásta Árnadóttir varnarmaður úr Val.

Nína er vel að þessum heiðri komin en hún hefur á góðu gengi að fagna með Keflavík og er í þriðja sæti yfir markahæstu leikmenn mótins.