Nick hamfletti KR
Nick Bradford var sem ofurmenni og kafsigldi KR-inga fyrir hönd Grindavíkur í Vesturbæ Reykjavíkur nú í kvöld. Grindvíkingar unnu sannfærandi sigur 94-107, sigur sem var aldrei í hættu í hreint mögnuðum sjónvarpsleik sem var að ljúka á Stöð 2 Sport.
Grindvíkingar voru lengi vel með um og yfir 20 stiga forskot á KR-inga sem voru ráðalausir í leiknum í kvöld. Grindavík leiðir því í einvíginu 2-1 og á möguleika á að hampa Íslandsmeistaratitlinum í Grindavík á laugardaginn þegar liðin mætast í fjórðu viðureign liðanna. Grindavík hefur unnið tvær síðustu viðureignir liðanna í úrslitakeppninni.
Samkvæmt tölfræði síðasta áratugar eða svo hefur liðið sem vinnur þriðju viðureignina, leikinn sem var í kvöld, ávallt hampað Íslandsmeistaratitlinum.
Samkvæmt tölfræði síðasta áratugar eða svo hefur liðið sem vinnur þriðju viðureignina, leikinn sem var í kvöld, ávallt hampað Íslandsmeistaratitlinum.
