NES sigurvegarar á Íslandsleikum Special Olympics
NES íþróttafélag fatlaðra á Suðurnesjum urðu sigurvegarar á Íslandsleikum Special Olympics um liðna helgi. Sigur vannst í hópi A-liða en þriðja sætið féll í skaut B-liðsins frá NES og fengu þau að launum bronsverðlaun. Sannarlega glæsilegur árangur hjá Suðurnesjamönnum.
A-lið NES mætti liði Aspar í hreinum úrslitaleik um gullið. Í hálfleik var staðan orðin 2-0 fyrir Nesurum. Með baráttu í seinni tókst liðsmönnum NES að halda fengnum hlut og landa gullinu.
