Ná Grindvíkingar toppnum í kvöld?

Með meira en tveggja marka sigri á Fjölni geta Grindvíkingar náð toppsætinu í Pepsi-deild karla á Íslandsmótinu í knattspyrnu. Grindvíkingar fara í Grafarvoginn í kvöld og leika gegn Fjölni í viðureign sem hefst kl. 19:15

Grindvíkingar eru í öðru sæti deildarinnar með 21 stig. Þeir hafa skorað 16 mörk en fengið á sig 11. Valsmenn eru á toppnum með 24 stig, hafa skorað 17 mörk og fengið á sig 9 en þeir unnu Víking R í gærkvöldi með einu marki gegn engu.

Fjölnir er sýnd veiði en ekki gefin. Liðið vermir botnsæti deildarinnar með 9 stig. Liðið hefur ekki unnið leik í tæpa tvo mánuði.