Munu skoða leikmenn hjá Keflavík
Frönsku knattspyrnuumboðsmennirnir Bernard Gardon og Pierre Canton koma til Keflavíkur á morgun með það að augnamiði að skoða leikmenn hjá félaginu.
Gardon og Canton hafa leikið með félögum á borð við Monaco og Lyon en hafa síðustu misseri starfað með mörgum af þekktustu knattspyrnumönnum Frakklands sem umboðsmenn.
Umboðsmennirnir munu fylgjast með leik Keflavíkur og Fram í deildarbikarnum annað kvöld og freista þess síðan að sjá fleiri leiki áður en þeir halda út á ný.
www.keflavik.is
