Mikilvægur sigur hjá Sandgerðingum
Reynir Sandgerði landaði þremur stigum í kvöld er þeir lögðu Stjörnuna 3-1 á Sparisjóðsvellinum í Sandgerði. Hafsteinn Rúnarsson kom Sandgerðingum í 1-0 en svo jöfnuðu Garðbæingar með marki frá Guðjóni Baldvinssyni. Reynismenn gerðu svo tvö næstu mörk leiksins en þar voru að verki Árni Freyr Guðnason og Martin Bach Kristensen.
Með sigrinum í kvöld eru Reynismenn komnir með 11 stig í deildinni og eru jafnir Leikni á botninum en Leiknir á leik til góða.
