Metnaðurinn til staðar

Reynir Sandgerði er á toppi 2. deildar í knattspyrnu þegar fimm umferðum er lokið. Gunnar Oddsson, þjálfari Reynis, segir liðið stefna á sigur í hverjum leik.

„Ef það gengur upp þá förum við upp um deild. Strákarnir hafa staðið sig vel og vörnin okkar hefur verið sterk,“ sagði Gunnar en taldi að Njarðvík, Fjarðarbyggð og ÍR ásamt Reyni væru liðin sem honum fyndist líkleg til að vera ofarlega í deildinni í sumar. „Við höfum metnað til þess að fara í 1. deild og reynum að halda gengi okkar áfram,“ sagði Gunnar að lokum.

Reynir mætir KS/Leiftri á laugardag kl. 13:00 á Sandgerðisvelli