Meistarataktar Elvars Más í Meistaradeildinni tryggðu PAOK oddaleik

Njarðvíkingurinn Elvar Már Friðriksson, þrefaldur körfuknattleiksmaður Íslands, reyndist hetja PAOK í gær þegar hann tryggði þeim sigurinn af vítalínunni eftir tvíframlengdan leik í Meistaradeild Evrópu.

Með sigrinum tryggir PAOK sér oddaleik í viðureigninni við Tofas Bursa frá Tyrklandi en Elvar var stigahæstur í sínu liði með átján stig, tvö fráköst og átta stoðsendingar í leiknum. Elvar tryggði sigurinn þegar hann setti þrjú vítaköst niður þegar tæpar tvær mínútur voru eftir af annarri framlengingu.

PAOK og Tofas hafa unnið sitt hvorn leikinn í einvíginu og það lið sem hefur betur í oddaleiknum fer áfram í sextán liða úrslit Meistaradeildarinnar.

Í spilaranum hér að neðan má sjá helstu tilþrifin úr leiknum í gær.