Meistarakeppni KKÍ í Keflavík í dag

Í dag verður spilað í meistarakeppni KKÍ.

Í kvennaflokki mætast Keflavík og KR kl.17:00 og í karlaflokki verða það erkifjendurnir Keflavík og Njarðvík sem mætast kl.19:15. Leikirnir fara fram í „Sláturhúsinu“ við Sunnubraut í Keflavík.

Þetta er í 10. sinn sem meistarakeppni KKÍ er haldinn. Frá upphafi hefur körfuknattleikshreyfingin látið allan ágóða af leikjunum renna til góðgerðarmála. Að þessu sinni er það félag MND sjúklinga sem mun njóta ágóðans af leiknum.

Eins og flestir landsmenn vita þá lést Rafn Jónsson tónlistarmaður í sumar úr þessum erfiða sjúkdómi. Rafn var mikill áhugamaður um körfuna og þá sérstaklega liðið sitt, KFÍ.
Mynd úr safni VF