Markahæsti leikmaður Lengjudeildarinnar ósáttur við ákvörðun KSÍ
Joey Gibbs, leikmaður Keflavíkur og markahæsti leikmaður Lengjudeildar karla, er ekki sáttur við ákvörðun Knattspyrnusambands Íslands um að leika áfram.
Hann birti tíst í gær eftir að ákvörðun KSÍ var gerð opinber að með þessu væri engin virðing borin fyrir leikmönnum. Ekki heilsufarslega, fjárhagslega og skynsemi væri ekki beitt við þessa ákvörðunartöku.
No respect or consideration for the players with this decision. On a health, financial and pure logical level doesn’t make sense 🤯
— Joey Gibbs (@JGIBBS10SBBIGJ) Lesa tíst
The majority of clubs won’t accept this decision I’m sure. https://t.co/XXD49wLQsp
Í samtali við Víkurfréttir sagði Joey að þessi ákvörðun væri ekki tekin með hagsmuni leikmanna, félaga og almennings í huga.
„Ég veit að þetta tímabil hefur verið fjárhagslega erfitt hjá öllum félögum og nú er ætlast til að þau haldi áfram að greiða leikmönnum laun og uppihald í tvo mánuði til viðbótar án þess að það sé trygging fyrir því að það verði leikið yfir höfuð,“ segir Joey.
„Ég tel það heldur ekki sanngjarnt að leikmenn þurfi að taka áhættuna á að leika fótbolta og setja fjölskyldur sínar og liðsfélaga í hættur. Margir í okkar liði eiga fjölskyldumeðlimi sem eru í áhættuhópi.
Við elskum allir fótbolta og þó ég eigi möguleika á að setja eitthvað markamet þá tel ég þetta ekki vera réttu ákvörðunina ... og ég er ekki einn um þá skoður,“ sagði Joey að lokum.
Gibbs er í aðstöðu til að mögulega bæta markamet sem hefur staðið í næstefstu deild síðan 1976. Þegar Keflavík á þrjá leiki eru eftir samkvæmt mótaskrá vantar Joey aðeins fjögur mörk til að jafna metið.
