María frá í 6-10 vikur

Landsliðsmiðherjinn María Ben Erlingsdóttir verður frá leik með háskólaliðinu UTPA næstu 6-10 vikurnar þar sem hún er með brákaða rist. María meiddist í körfuboltaleik með UTPA gegn Baylor á dögunum. María segir á blog síðu sinni hafa lent asnalega á löpinni og segist ennfremur súr yfir því að hafa misst af gullnu tækifæri til að sýna sig og sanna.

 

Frekari rannsókn á meiðslum Maríu leiddi það í ljós að hún er með brákaða rist. María kvaðst súr yfir meiðslunum enda langt og strangt undirbúningstímabil að baki og mikil samkeppni um stöður innan liðsins.

 

Sjá blogsíðu Maríu

 

[email protected]  

 

VF-Mynd/ [email protected] - Meiddar vinkonur! María Ben til hægri og Bryndís Guðmundsdóttir til vinstri eru báðar meiddar þessa dagana. Hér eigast þær við í Stjörnuleik KKÍ á síðustu leiktíð.