Magnús í dómarahópi sem dæmir í Búlgaríu
Knattspyrnudómarinn Magnús Þórisson frá Keflavík mun í næstu viku dæma sinn fyrsta A-landsleik í knattspyrnu en hann verður fjórði dómari í íslenska dómarahópnum sem heldur til Búlagríu. Magnús og íslenski hópurinn mun dæma leik Búlgaríu og Hvíta Rússlands og mun íslenski dómarahópurinn hafa nóg fyrir stafni í þessum grannaslag Austur-Evrópu þjóðanna.
Dómari leiksins verður Kristinn Jakobsson en aðstoðardómararnir eru þeir Sigurður Óli Þorleifsson og Einar Sigurðsson og verður Magnús fjórði dómari í leiknum ytra.
Magnús hefur nú þegar fengið úthlutað sínu fyrsta UEFA Intertoto verkefni er hann mun dæma leik í
Dómarahópurinn var við leik Reynis og Þórs í 1. deild karla á dögunum og notaði hópurinn leikinn til þess að stilla saman strengi sína.
VF-mynd/ Jón Örvar Arason – Magnús og dómarahópurinn sem heldur utan í næstu viku. Magnús er annar frá vinstri á myndinni.
