Maggi í stuði þegar Njarðvík vann Þór

Magnús Gunnarsson var í stuði þegar Njarðvíkingar lögðu Þórsara frá Akureyri í Ljónagryfjunni í gærkvöld. Lokatölur urðu 92-79.
Magnús skoraði 27 stig fyrir heimamenn og Logi Gunnarsson 25 í hörkuleik þar sem Njarðvíkingar sigu framúr í blálokin.
Gestirnir byrjuðu leikinn betur og náðu 4-12 forystu en heimamenn jöfnuðu og síðan var leikurinn mjög jafn allan tímann. Auk Magnús og Loga var Friðrik Stefánsson að venju sterkur í vörn sem og sókn og skoraði 10 stig. Ungu strákarnir, Hilmar Hafsteinsson, Andri Freysson og Hjörtur Einarsson komu við sögu og stóðu sig með prýði. Þeir halda áfram að safna í reynslubankann.

VF-mynd/pket: Valur Ingimundarson stýrði sínum mönnum til sigur í Njarðvík gegn Þór frá Akureyri. Liðið hefur nú unnið fjóra leiki og er í 4.-5. sæti með nágrönnum sínum úr Keflavík en þeir síðarnefndu töpuðu fyrir Grindavík í jöfnum leik í vikunni.