Mæðgnamót í pílukasti á morgun

Mæðgnamót fer fram á morgun í píluaðstöðu Pílufélags Reykjanesbæjar. Mótið hefst klukkan 14:00 og húsið opnar klukkan 13:00.

Vinningar verða veittir fyrir fjögur efstu sætin. Það er Sísí Ingólfsdóttir sem heldur mótið og tekur hún á móti skráningu í síma 868-0468.

Í tilkynningu frá Pílufélaginu segir að þetta sé gott tækifæri fyrir fólk að gleyma aðeins jólastressinu og skella sér í skemmtilegt mót.