Luka tekur við starfi yfirmanns íþróttamála hjá Keflavík

Knattspyrnydeild Keflavíkur hefur ráðið Luka Jagacic í stöðu yfirmanns knattspyrnumála og tekur hann við því hlutverki af Sigurði Ragnari sem mun einbeita sér að þjálfun meistaraflokks karla.

Luka kemur frá Króatíu en hann hefur verið búsettur hér á landi frá 2013 og spilað með Selfossi, Njarðvík og Reyni Sandgerði. Á síðasta ári tók Luka við þjálfun Reynismanna af Haraldi Guðmundssyni en hætti nýverið sem þjálfari þeirra.