Loksins, loksins...

Keflvíkingar sigruðu ÍBV 1-0 í Símadeild karla í knattspyrnu í kvöld en það var Haukur Ingi Guðnason sem skoraði markið á 12. mínútu. Loksins kom að því að Keflavík hélt markinu hreinu en þetta er í fyrsta skiptið í tæp tvör ár í efstu deild sem það tekst. Þá sigraði Grindavík Fram 3-0 á Laugardalsvelli og voru það Ray Jónsson, Ólafur Bjarnason og Grétar Hjartarson sem skoruðu mörkin.Keflvíkingar voru miklu sterkari aðilinn í fyrri hálfleik en þá léku þeir með vindi og sóttu nánast án afláts. Zoran Ljubicic þurfti að yfirgefa völlinn eftir aðeins 28 mínútur vegna meiðsla en Hólmar Rúnarsson kom inná fyrir hann.
Í síðari hálfleik voru gestirnir sterkari til að byrja með án þess þó að skapa sér nein færi. Þeir fengu nokkrar aukaspyrnur á hættulegum stað en það var í raun aldrei hætta af þeim. Keflvíkingar vörðust vel og sóttu með stórhættulegum skyndisóknum. Út frá þeim fengu þeir nokkur góð færi sem þeir náðu þó ekki að nýta en besta færið fékk án efa Þórarinn Kristjánsson á 80. mínútu þegar sýndi snilldartilþrif með því að rekja boltann frá eigin vallarhelmingi inn í vítateig Eyjamanna en skotið rataði ekki rétta leið.

Í leik Grindavíkur og Fram voru gestirnir töluvert sterkari aðilinn. Þeir skoruðu strax á 3. mínútu en þar var að verki Ray Jónsson. Um miðjan síðari hálfleik var svo einum Framara vikið af leikvelli fyrir að verja boltann með höndinni og úr vítaspyrnunni skoraði Ólafur Bjarnason og staðan í hálfleik 2-0 fyrir gestunum.
Í síðari hálfleik lögðu Grindvíkingar upp með það að verjast vel og halda hreinu og tókst það. Þeir voru ekki að spila neinn glæsibolta en þetta virkaði og þegar líða tók á leikinn náði Grétar Hjartarson að tryggja þeim sigurinn með þriðja markinu og öryggur sigur raunin.

Grindavík er í 4. sæti deildarinnar með 15 stig en Keflvíkingar eru í því 6. með 14 stig.