Lokaumferð Landsbankadeildarinnar í dag

Í dag ræðst það hvort það verði FH eða Valur sem verði Íslandsmeistari í Landsbankadeild karla í knattspyrnu. Síðasta umferð Landsbankadeildarinnar fer fram í dag og hefjast allir leikirnir kl. 14:00. Fjögur lið eiga það á hættu að falla svo það verður æsispennandi að fylgjast með á botni og toppi deildarinnar.

 

Keflvíkingar taka á móti Skagamönnum á Keflavíkurvelli og verður þetta í fyrsta sinn sem liðin mætast síðan þau léku leikinn fræga uppi á Skaga fyrr í sumar þar sem ÍA hafði 2-1 sigur. Guðmundur Steinarsson verður ekki í leikmannahópi Keflavíkur í dag þar sem hann meiddist illa í leiknum gegn Fylki í síðustu umferð eins og Víkurfréttir hafa þegar greint frá.

 

Umferð dagsins:

 

Keflavík-ÍA

KR-Fylkir

Breiðablik-Fram

Valur-HK

Víkingur-FH

 

Staðan í deildinni

 

VF-Mynd/ [email protected] - Hallgrímur Jónasson gerði mark Keflavíkur uppi á Skaga í fyrri leik liðann sem lauk með 2-1 sigri ÍA.