Logi stigahæstur í tapleik ToPo
Logi Gunnarsson gerði 24 stig í gærkvöldi og var stigahæstur þegar lið hans ToPo Helsinki varð að láta í minni pokann gegn Porvoon Tarmo 98-80 í finnsku úrvalsdeildinni í körfuknattleik.
ToPo hefur nú tapað fjórum af fimm síðustu leikjum sínum en hópurinn er þunnskipaður og voru einungis níu leikmenn með liðinu í gær en þeir sendu þrjá af erlendu leikmönnum sínum heim fyrir jól.
