Logi og Jóhanna eru íþróttafólk Reykjanesbæjar 2023

Val á íþróttamanni og íþróttakonu Reykjanesbæjar fór fram í Stapa í Hljómahöll í gær. Kylfingurinn Logi Sigurðsson úr Golfklúbbi Suðurnesja er íþróttamaður Reykjanesbæjar 2023 og knapinn Jóhanna Margrét Snorradóttir úr Hestamannafélaginu Mána er íþróttakona Reykjanesbæjar 2023.

Í ár fór athöfnin fram með breyttu sniði og var hin glæsilegasta. Fjölmargir komu að samfagna frábærum árangri íþróttafólks Reykjanesbæjar og voru fjölmargir heiðraðir. Auk þess að verðlauna íþróttafólk Reykjanesbæjar sem skaraði fram úr á árinu var íþróttafólki Ungmennafélagsins Njarðvíkur og Keflavíkur – íþrótta- og ungmennafélags veitt verðlaun.

Ítarlegri umfjöllun um valið birtist á vf.is, í Víkurfréttum vikunnar og Sjónvarpi Víkurfrétta.