Laufey vann Mílanó mótið
Enn ein rósin í hnappagatið
Hin unga Laufey Ingadóttir gerði sér lítið fyrir og sigraði Mílanó mótinu í feimleikum sem haldið var um helgina en Laufey varð fyrr á þessu ári Íslandsmeistari í 1. þrepi og bikarmeistari með liði Keflavíkur.
Laufey lauk keppni í stúlknaflokki með einkunina 44,168 en Keflavík sendi 4 stúlkur á mótið sem allar stóðu sig með mikilli prýði.
Hanna María Sigurðardóttir kepti í unglingaflokki og hafnaði í 8. sæti með einkunina 42,000. Alísa Rún Andrésdóttir keppti einnig í unglingaflokki en náði aðeins að ljúka keppni á tveimur áhöldum sökum meiðsla.
Þá keppti Kolbrún Guðfinnsdóttir Newman í kvennaflokki en hún náði ekki að ljúka keppni og keppti á tveimur áhöldum.
