Langur meiðslalisti hjá Grindavík
Grindavík mætir Keflavík í úrvalsdeild karla í knattspyrnu næsta mánudag á Keflavíkurvelli kl. 19:15.
Óhætt er að segja að meiðslalisti Grindavíkurliðsins fyrir þann leik sé nokkuð langur því 5-6 leikmenn gætu misst af nágrannaslagnum.
Alexander Magnússon, Paul McShane, Óli Baldur Bjarnason og nýi Skotinn Derek Young hafa ekkert æft með liðinu þessa vikuna og allsendis óvíst með þátttöku þeirra í leiknum. Orri Freyr Hjaltalín og Guðmundur Andri Bjarnason hafa einnig glímt við meiðsli en vonir standa til að þeir verði klárir.
