LANDSBANKINN ÁFRAM HJÁ GRINDAVÍK!

Knattspyrnudeild Grindavíkur og Landsbanki Íslands hafa undirritað samning um samstarf. Landsbankinn hefur um árabil verið aðalstyrktaraðili knattspyrnudeildarinnar og hefur nú verið undirritaður nýr samningur til tveggja ára. Landsbankinn auglýsir á upphitunargöllum liðsins og á ýmsum öðrum stöðum og ákveðnir viðskiptaklúbbar bankans fá ókeypis eða ódýrari aðgang að heimaleikjum Grindvíkinga í sumar. Þá eru í samningnum bónusgreiðslur til leikmanna meistaraflokks auk þess sem útnefndir verða í vertíðarlok „Landsbankaleikmenn ársins“ í meistaraflokki og 2-4. flokki.