Kyle Williams er nýr leikmaður Njarðvíkinga
– Mætir á sína fyrstu æfingu í kvöld
Körfuknattleiksdeild Njarðvíkur hefur samið við Kyle Steven Williams, 193 cm háan leikmann sem getur leikið nokkrar stöður á vellinum. Kyle er kominn til starfa og mun mæta á sína fyrstu æfingu með Njarðvíkurliðinu í kvöld.
Einar Árni Jóhannsson þjálfari segir að hér fari fjölhæfur bakvörður: „Kyle lék á Englandi á síðustu leiktíð þar sem hann var með rúm þrettán stig að meðaltali í leik. Við bindum miklar vonir við að Kyle verði öflugur liðsmaður í að koma okkur aftur á rétt ról í Domino’s-deildinni.“
