Kvennalið Íslands tapar gegn Englandi
Íslenska kvennalandsliðið í körfuknattleik tapaði fyrir því enska í vináttulandsleik sem fór fram í Keflavík í gærkvöldi. Lokatölur í leiknum voru 77-101, en þær ensku höfðu örugga forystu nær allan leikinn.
Erla Þorsteinsdóttir var stigahæst Íslendinga með 22 stig líkt og Hildur Sigurðardóttir.
Næsti leikur liðanna fer fram í Grindavík í dag og hefst kl. 17.
