Kvennakarfan: Tap hjá Keflavík

Keflavíkurstúlkur töpuðu gegn Val þegar liðin mættust í gærkvöldi í Iceland Express deild kvenna í körfuknattleik. Leikurinn fór fram í Vodafonehöllinni. Valstúlkur höfðu undirtökin allan fyrri hálfleikinn og voru með 14 stiga forystu í hálfleik, 39-25.
Keflavíkurliðið var mun betra í seinni hálffleik, náði góðum spretti í þriðja leikhluta þar sem það skoraði 26 stig á móti 19 stigum Vals. Fjórði leikhlutinn var meira í járnum en Keflvík náði ekki að fylgja eftir þessum góða leikkafla í þriðja fjórðungi. Lokatölur leiksins urðu því 79-75 Valsstúlkum í vil.
Viola Beybeyah var öflug í liði Keflavíkur með 29 stig og 12 fráköst.