KSÍ greiðir rúmar 16 milljónir til aðildarfélaga
Stjórn Knattspyrnusambands Íslands ákvað á fundi sínum 13. janúar síðastliðinn að greiða rúmar 16 milljónir króna til aðildarfélaga KSÍ, sem gjaldfærist á starfsárið 2006. Þetta er sjötta árið í röð sem aðildarfélög KSÍ njóta slíks framlags. Endurskoðaður ársreikningur KSÍ liggur ekki fyrir, en ljóst er að rekstur sambandsins gekk vel á síðasta starfsári.
Alls munu 56 aðildarfélög KSÍ sem sendu lið til keppni í mótum á vegum KSÍ í yngri aldursflokkum utanhúss 2006 fá framlag frá sambandinu. Félög sem sendu lið til keppni í yngri flokkum beggja kynja fá nú 300 þúsund kr. hvert en hafa í fyrri skipti fengið kr. 200 þúsund kr. Félög sem sendu aðeins lið til keppni í yngri flokkum annars hvors kynsins fá nú 200 þúsund kr. hvert en fengu áður kr. 125 þúsund kr.
Samkvæmt þessu fá 49 félög 300 þúsund kr. og 7 félög 200.000 kr., alls 16.100.000 kr.
Njarðvík er eitt félaga á Suðurnesjum sem fær 200.000 kr. en hin knattspyrnufélögin fá 300.000 kr.
Félög á Suðurnesjum sem fá 300.000 krónur:
Grindavík
Keflavík
Reynir Sandgerði
Víðir
Félög á Suðurnesjum sem fá 200.000 krónur:
Njarðvík
