Kristmundur á Heimsmeistaramótinu í taekwondo

Kristmundur Gíslason keppti á dögunum á Heimsmeistaramótinu í taekwondo, en það var haldið í Muju í Suður-Kóreu. Kristmundur keppti við keppanda frá Noregi en sá bardagi endaði 4-11, Noregi í vil. Þjálfari Kristmunds og landsliðsins er Helgi Rafn Guðmundsson.

Heimsmeistaramótið er haldið á tveggja ára fresti. Í ár var það haldið í stórglæsilegu þorpi sem búið var sérstaklega til fyrir taekwondo og kallast Taekwondowon. Heimsmeistaramótið í ár er það stærsta í sögu íþróttarinnar en tæplega 1.000 keppendur frá 183 löndum tóku þátt á mótinu sem þótti hið glæsilegasta.