Kristján sækir sér reynslu í Danaveldi

Kristján Guðmundsson, þjálfari Keflavíkur í knattspyrnu, er á förum til Kaupmannahafnar þar sem hann mun fylgjast með æfingum hjá danska stórliðinu F.C. København. Frá þessu er greint á Vísir.is í dag. Kristján mun mæta á æfingar hjá liðinu og fylgjast með undibúningi. Hann mun einnig ræða við þjálfara liðsins um hvernig undirbúningi fyrir leiki er háttað. Kristján mun að lokum hafa aðgang að lokaðri æfingu liðsins fyrir Evrópuleik gegn St.Etienne frá Frakklandi, sem fram fer á Parken í næstu viku.

VF-Mynd/JBÓ: Kristján Guðmundsson ætlar að sækja sér reynslu hjá F.C. København.