KRISTINN ÞJÁLFAR KEFLAVÍKURDÖMUR
Kristinn Einarsson, fyrrverandi leikmaður úrvalsdeildarliðs Njarðvíkur í körfuknattleik hefur tekið við þjálfun meistaraflokksliðs Keflavíkur í kvennaflokki. Kristinn var aðstoðarmaður Friðriks Inga Rúnarssonar hjá Njarðvík í fyrra. Anna María Sveinsdóttir sem þjálfaði liðið undanfarin ár auk þess að leika með liðinu. Hún mun halda áfram að leika með liðinu. Auk þess er Erla Þorsteinsdóttir komin aftur og mun styrkja liðið mikið en hún var eitt ár í Bandaríkjunum. Alda Leif Jónsdóttir úr Stúdínum hefur einnig gengið til liðs við Keflavíkurliðið. Hjá Íslandsmeisturum Keflvíkinga í karlaflokki verða nokkrar breytingar. Nýr útlenskurleikmaður er væntanlegur í þessari viku en farnir eru Falur Harðarson og Birgir Örn Birgisson. Til liðsins koma á ný Elentínus Margeirsson og hugsanlegt mun vera að Albert Óskarsson komi til liðsins aftur.Það mun þó velta á atvinnumöguleikum hans en hann lauk nýlega námi í flugvirkjun.
